Cámara de Comercio del Ferrol

Alerta sobre axudas e licitacións

Este servizo de información sobre axudas e licitacións pretende fomentar a participación das empresas nas convocatorias de axudas e incentivos económicos que realizan as diferentes administracións, así como facilitar o acceso ás oportunidades de negocio que se xeran no ámbito dos concursos públicos.

Os usuarios do servizo, gratuíto para as empresas asociadas á Cámara, recibirán na súa dirección de correo electrónico, o mesmo día da súa publicación, as alertas sobre axudas e licitacións ás que pode acceder a súa empresa en función do seu sector de actividade. Ademais, no caso das licitacións enviarase información puntual de todo o proceso: convocatoria, apertura e adxudicación.

Estas prestacións compleméntanse con asesoramento personalizado en todos aqueles trámites relacionados coa presentación das ofertas para os concursos e coa solicitude de axudas e subvencións.

Subscrición

Para beneficiarse deste servizo, a empresa terá que darse de alta nun rexistro de usuarios, cubrindo un formulario no que se recollerán todos os datos necesarios para filtrar a información previamente ao seu envío, segundo o tipo de actividade empresarial.

» Solicitude de subscrición