Cámara de Comercio del Ferrol

Capacitación Profesional

Nos últimos anos, numerosos sectores e colectivos que exercen actividades de risco ou traballos especializados, vénse na necesidade de certificar e homologar os coñecementos e as aptitudes dos profesionais que os integran.
Por este motivo, desde a Cámara queremos facilitar o cumprimento desta obriga de certificar a formación especializada destes colectivos, con cursos específicos para os empresarios e traballadores directamente implicados.

• Manipuladores de alimentos
  Formación en hixiene alimentaria dirixida á obtención do certificado de manipulador de alimentos que precisan todas aquelas persoas que pola súa actividade laboral teñen contacto directo dos alimentos durante a súa preparación, fabricación, transformación, elaboración, envasado, almacenamento, transporte, distribución, venda, subministro e servizo.
  
  
• CAP: Certificados de aptitude profesional para transportistas
  Requírese a obtención destes certificados para aqueles profesionais do transporte de mercancías e de viaxeiros que conduzan por vías públicas vehículos de empresa para os que resulte obrigatorio estar en posesión de permisos de condución das categorías C1, C1+E, C, C+E, D1, D1+E, D, D+E.
  A Cámara organiza tanto os cursos de cualificación inicial como os de formación continua, que deben realizar, cada cinco anos, aqueles conductores que estean exentos da inicial.
  
  
• Operadores de carretillas e plataformas elevadoras
  Esta formacion específica é obrigatoria para todos os operarios que desempeñen tarefas de condución e manipulación de cargas, de acordo co Real Decreto 1215/1997, de 18 de xullo, que establece as condicións mínimas de seguridade e saúde na utilización de equipos de traballo.
  Os cursos inclúen oito horas de teoría e doce de práctica na condución destes automotores e están dirixidos tanto ás empresas que desexen formar aos seus operarios como aos desempregados interesados en acreditar a devandita formación para acceder a un posto de traballo.

Os cursos prográmanse en función da demanda, polo que para obter máis información sobre datas e horarios cómpre dirixirse ao departamento de formación:

Tel.: 981 333165
Fax: 981 333096