Cámara de Comercio del Ferrol

Asesoría xurídica

Este departamento desenvolve unha función de asesoramento ás empresas que precisen resolver problemas xurídicos relacionados co exercicio da súa actividade, especialmente en asuntos relativos a:

• Contratación mercantil
• Regulación administrativa do comercio
• Arrendamentos urbanos
• Aspectos laborais e de seguridade social
• Transportes
• Reclamacións en materia de telecomunicacións,  etc.

As consultas teñen carácter gratuíto para as empresas asociadas e préstanse, tras a petición correspondente, mediante entrevistas persoais. En calquera caso, o servizo que se ofrece limítase á orientación e ao asesoramento legal e, polo tanto, queda excluído o litixio ante as instancias administrativas e xudiciais.

Ocúpase tamén de realizar un regular seguimento, estudo e análise das novidades lexislativas que teñen incidencia na actividade empresarial  e de canalizar as actuacións de contido xurídico que a Cámara poida promover, ademais de realizar os informes soliciten os órganos de goberno.